我的葡萄牙之旅PART1

西华

我终于开始写我慨葡萄牙之旅喇....

今年(2009/10) 慨旅行目的地, 系比较冷门少少慨葡萄牙(Portugal)! 可能因为葡萄牙慨地理关系, 我周围唔系太多朋友曾经去过葡萄牙旅游。就算由我决定以呢个国家作为旅游目的地开始, 我不断在网上找寻有关葡萄牙的资料, 都只得好少。中文旅游书极度缺乏, 网上旅游讨论区亦好少人介绍、推介葡萄牙呢个国家。开始找寻资料时, 我都有些失落, 不过好彩有关葡萄牙慨英文旅游书都颇多, 加上得到一位葡萄牙朋友慨热心帮助, 解决左我唔少问题,

根据不少旅游书所讲, 葡萄牙系一个非常天主教的国家, 圣诞节慨节日气氛浓厚, 本人已经多年没有在外地过圣诞节, 加上自己系一个唔虔诚慨天主教徒, 所以认为在葡萄牙过白色圣诞应该会很有意思(附注: 其实只有极少慨葡萄牙国土上系会冬天落雪慨)。

先简单介绍一下葡萄牙先。


葡萄牙位于Iberian Penisula, 处于欧洲大陆最西南方, 面临大西洋, 国家官方正式名称为"Portuguese Republic", 首都系里斯本(Lisbon)。葡萄牙系欧盟成员国之一, 全国大约97%人民都系天主教徒。除左本土之外, 葡萄牙有主要大岛两个, 分别为Azores 同埋Madeira。对于Madeira呢个岛, 虽然认识慨人唔多, 但如果一讲到我地非常熟悉慨球星C朗拿度, 大概冇人不懂。C朗就系生于Madeira岛的。

15-16世纪, 系葡萄牙国力最强、最光辉慨时期, 因为渠地在海上称霸, 相继发现了好望角, 又占领了非洲、亚洲以及南美洲不少国家。

以绿色及红色为主色慨葡萄牙国旗, 颜色极之鲜艳!


葡萄牙(Portugal)国名其实源于呢个国家慨第二大城市波图(Porto)。在拉丁语里, Porto有温暖慨海湾慨意思。而波图另一出名之地方当然系举世闻名慨砵酒(Port wine)。

好啦, 介绍到此为止, 我唔系葡萄牙人, 讲到咁多已经好佩服自己。哈哈哈, 查实我未去葡萄牙之前睇左好几本关于呢个国家慨历史书, 因为我觉得睇多D关于一个国家慨书, 对旅游呢个国家会有帮助, 到我欣赏当地建筑、历史文物时会更知道发生紧什么事。

依家我觉得自己好似钟意葡萄牙, 仲多过我本来慨至爱意大利呢!!

此行慨第一个落脚地系里斯本(Lisbon), 亦即系葡萄牙慨首都。虽然里斯本面积唔系话极大, 但系由于我想去参观同欣赏慨景点实在太多, 所以时间根本唔够用。

本人最喜欢慨节日系圣诞节, 加上葡萄牙好重视呢个节日, 所以节日气氛都好浓厚, 街上慨圣诞灯饰都好靓, 我都影埋影埋唔少相呢。


圣诞去欧洲旅行当然充满圣诞气氛, 但系就同时会遇上一个难题, 就系当地店铺会好多日都唔营业, 旅游景点亦会关闭! 亦因为呢个关系, 我圣诞日25号只可以搵D唔驶入场, 可以在户外影相慨景点参观；同埋可以参观一下圣堂、教堂, 因为呢D地方一定会在呢个节日里继续开放, 举行弥撒。虽则教堂及圣堂仍然开放, 但开放时间就明显减少, 可能只会开一个上午或下午少部分时间, 呢一点旅客就要注意。

里斯本市有一棵全欧洲最大慨圣诞树(系人造), 而且在2005年入左健力士世界大全, 成为"Europe's Tallest Christmas Tree"。呢棵圣诞树本来在2004年开始, 都在圣诞节(大约11月头开始), 就摆放于里斯本市中心慨Praca do Comercio (Commercial Square), 但在2007年, 圣诞树搬左去葡萄牙第二大城市波图(Porto)摆放。到第二年, 即系2008年, 圣诞树回归返到里斯本,但当局将呢棵巨型圣诞树移左去比较远慨Edward VII Park呢个公园摆放。又因为公园在里斯本国际机场慨飞机飞行范围附近, 圣诞树不能太高, 妨碍飞机飞行, 所以据我慨葡萄牙朋友所讲, 依家呢棵圣诞树冇以前摆放在Praca do Comercio (Commercial Square)那棵咁高大!!